Baba ampiga mtoto wake na kumtoa uhai kwa madai hajafanana nae sura.

Mtoto Mwaru Lunard Sabil (9) aliyepigwa na kuumizwa vibaya na baba yake mzazi na kisha kulazwa katika Hospitali ya Wete, Pemba akipatiwa matibabu amefariki dunia.

Baba huyo mkazi wa Junguni Gando, Pemba, anadaiwa kumpiga na kumjeruhi vibaya mtoto huyo kwa madai kuwa hafanani naye sura., hivyo si mtoto wake.

Taarifa Zilizopatikana jana na kuthibitishwa na Daktari wa Wodi ya Watoto katika Hospitali ya Wete, Sada Juma Mbwana zilisema kuwa mtoto huyo amefariki dunia kutokana na maumivu makali aliyoyapata.

Baba mzazi wa mtoto huyo mwenye umri wa miaka 39 anashikiriwa na polisi kutokana na tukio hilo na anatarajiwa kufikishwa mahakamani Jumatatu ijayo kujibu tuhuma zinazomkabili .