Wezi waiba milango, taa za gari na kuwapora wapita njia baada ya kutokea ajali eneo la tandale jijini dar

Vibaka wapora mali, milango, taa za gari na kuwapora wapita njia kufuatia ajali iliyotokea Tandale kwa Bonge jijini Dar es Salaam baada ya gari aina ya Nissan Patrol namba T479 BPJ kugongana na mwendesha Bodaboda ambayo haikujulikana namba zake jana usiku (Jumamosi).

Katika vurumai hiyo ambayo ilisababisha msongamano mkubwa wa magari, vijana wa eneo hilo walitumia fursa hiyo kung’oa milango na taa za gari hilo na vingine vilivyokuwemo ndani yake na baadaye waliendelea kuwapora wapita njia na watu waliokuwa kwenye daladala zilizokuwa zikipita hapo.

Dereva na mmiliki wa gari hilo, Alex Mutabazi (59) naye alichezea kichapo kikali kutoka kwa vijana hao. Polisi walifika eneo la tukio na kufanikiwa kuwatia mbaroni vijana kadhaa waliohusika na uporaji huo.

Dereva na mmiliki wa gari hilo, Alex Mutabazi (59) akiwa amejeruhiwa baada ya kipigo kutoka kwa vibaka.

 Kioo cha mbele nacho kimevunjwa

Hata vitu vilivyokuwa ndani ya gari hilo pia viliibiwa

Gari hilo likiwa limeondolewa mlango wa nyuma na vibaka

Vioo vya gari hilo vikiwa vimevunjwa.